Izmulen n igllin n Σli Azayku

7/23/2019 Izmulen n igllin n Σli Azayku

http://slidepdf.com/reader/full/izmulen-n-igllin-n-li-azayku 1/47

Ʃli Ṣidqqi azayku

zmuln

Timdyazin s tmaziɣt



1995

zmuln

1

1 Anza lli ffalen waggasen ɣ il iɣ jjin d ikʷttayen ur fulkinin (cicatrices, souvenirs tristes) ;



Tarragt

I «ti -zi » nu lli i ẓṛ an kra x tiggas

ẓṛ n akk ̫ izmuln …U r ssinn maxx ad

ggutn izmuln, kkin f itr san …

Rad issann i ɣ ɣ ran izmuln ɣ ass-ad, is

llan ijddign n tudrt ɣ ddu tfr kkit iqqurn

n izmuln inu ..

Tudr t ll i sswan izni tn 2 inu, dln tt izmuln

inu, fkx tt i winu, tg tudrt s kigan ..

2 Idammen (sang);



Tawnza

I

Ad am nskr, a tawnza, tifilit ; nmun

Amarg illm tt

Tafukt aṣṭṭa ɣ ufus

Nk ̫ fis itran mnid nnm

Gin am aɣaras

Iẓula nnm iɣ nn-ugg ̫ ix

Ka ɣ a ttmyarax

Mad nnix? I ɣ nn-ugg ̫ ix?

Ag ̫ ns aɣ llix Iẓula nnm aɣ mmudix tiɣʷṛḍin

Nsud

Iẓula nnm aɣ a ttidux ɣass-ad

Ar allax

Askka x tillas

Γ ass-ad nnx ittu gam3 nnax

Iẓula nnm, ur d taẓulṭ

Amṭṭa ad usin Imṭṭawn ug ̫ ln, iɣarn

Srgnt tifawin

Awnx nkk dim i tagrst

Nmun akk ̫ uggar

Iɣ imaṭl uṣmmiḍ

Tarwa nnx rad ruln

II

Ad am nskr, a tawnza, tifilit Nmun

Nsni gis ijddign

Fsan x ussan nnx

Nqql srsn, amud usin t

3 Amzruy (passé) ;



Rad fsun, ngr-d

Γ ass-ad ar ɣ ass-ann…

Ini kra ad armx awal

Akk ̫ ttay ka sul iddrn

Γ iggi n ismḍal

Nttyagal srs nkki dim

Ar ax isrwat

Iɣ iḍṛ kra s tguḍi

Yarm tallasin4

A tnt id ik ̫ ti wanna gisn

Ikkusan imikk

Iɣ iṭṭaf ma-s n baba-s

Ad asn ttirir

Ass-nna ibidd uzmz

Inti waɣad , nmun

Γ unwal nnx, d isuyas nnx

Zmzrn aṣmmiḍ

Ng amarg, ar nsiggil

Aẓuṛ n tudrt

III

Tawnza tga tamazirt,

Tifinnaɣ nnax

Tk ̫ la srs lḥnna x idmarn

S ax iḥṛm

A nssumm tibbit, nttu…

Kra gitnx immut

IV

Ad am nskr, a tawnza, tiẓṛẓa

Γ ufus

Tṛẓmt idmarn

Rix a tn akk ̫ iẓṛ kiwan

Ad issan is ur iqqur

Γ illi x assax nkk

4 Umiyyn d ma ten inn-iwalan (histoires, contes…) ;



Ẓṛn afulki

Lli nn-idl waddal-ad tlsit

Azzar nnm rad as ṛẓmx

Kigan ad d imun

Aḍu ra t yasi

Gin am taffa x ignwan

Ad issan is ur iḍṛ

Ula ikkat uzmz

Asafu n tiṭṭt nnm

Tirɣi n twallin nnax

As rad d-inti, ifsi gis

Umṭṭa n lmutt

Iffi-d ar gis nssa

Tẓul dax s tifawin

S a ttmnidt, ar ttmnidx

Ar akk ̫ nttmnid

Ssutln am ɣikk -a

Tawwargit lli nufa tt

Tarwa nnm ma s a siggiln

Amr tibbit nnm

V

Ad am nskr, a tawnza, tafala

N iṣiḍ

A ttut ul n uṣmmiḍ

Ifsi utfl 5 n ussan

A fadd ad yaf U maziɣ

Ma-s lli nn-uḍn

Kigan ay-d ikka waḍu ibidd

Ag ̫ ln ax azmz

Winnx ka ur izzigizn

Γ mklli tn rix

Iga ax ak ̫ jḍaḍ 6

5 Adfl (neige);6 Ar daɣ nttini a gʷjḍ aḍ , amudar lli mu tebbi temɣ ilt (amputé);



Ixf nns ɣar izza-d

Ijlx, ixʷ cn, nddr gis

Ran ad ax ilin

Γ mklli ttawin mddn tiwiwwin …

Nnran …

Imuɣaz 7 ɣʷ in azmz nnx

Bbin as iẓuṛan

Iɣ akk ̫ nskr wi yyaḍ

Is ra ng ɣar afar!

N ig ̫ mma

Ar ax ttaḍṛn idukan n gar

Laḥ addag

Lli nn-igan ixf ɣ ignwan

Yut s uẓuṛ

Ar ittag ̫ m ɣ ul n wakal nnax

Inyalkamn idusn llan

Gr ukṭṭu8 d uẓuṛ

VI

Ad am nskr, a tawnza,

Amara tarat

Inbgiwn ur ax ujjin

A nara wayyaḍ

A gis nskr tayyuga

Sin ur a jllun

Iqqama-d yan

Ur igi arra lli turit

Inbgiwn ur rin

Ad d-nldi walli turit

Udrn as

Winnsn kad ax ran a t nttmnid

Imzzan9 ka gis nga

Nrul-d i matnx

7Willi ganin iɣ nan, ifnaten (ennmis);8 Ixf n kra waddag (cime);9 Walli ur igan ggu kra n tmazirt, aɣ rib (étranger) ;



Nfl tt nn i wi yyaḍ

Ng bṛṛa , bṛṛa , bṛṛ …!

Nkk tagant nnan nga

Zund ma gisnt

Ncca zund uccn

Zud ilf kad nggan

Ffuɣn-d ar ax ttmdayn

Ufan ax ukan

Ar kkatn ay lliɣ

Nḥsa mad ax uran

Nttnin ad nufa

Gin ax d mddn, tikrkas…

VII

Taṭṣa nnm d umṭṭa ,

Ssnx is d tiggas nnm

Ad ax iskucmn

Ng aryal n tassasin

Macc issan is nn-nɣʷ i

S darun aɣaras

Ad am nssfld

N nɣʷ i gim, nttu mad nnan…

VIII

Ad am nskr, a tawnza,

Tamɣra ɣ ass-ad

Tarwa nnm gan imuɣan fllam

Ur ṛmin

Iga asn uṣmmiḍ n ifran

Lli ɣ llan

Tir ɣ i n ul

Nkki tayri nnm kad ufix

Iɣʷ rban

Mqqar ug ̫ in wid ax ur irin

Ur yyi kkisn ad mnaggarx anaruz

Nmun…



Γ uɣaras n uz mmuẓẓl n tudrt

Lli rix

Ur ssinn is ax ldin s mnid

Nkki ssnx

Isgg ̫ asn ad ax ismd

Yan lli s nnan

Rad ax isbidd

Nɣ nɣan asafu ɣ ul nnax

Tigmmi imuɣan ṛ want

Ix tga aɣaras

N I maziɣn

Iɣ fduddrn ur a gis nssan

Iɣ nggut ur a tt nttikṣaḍ

Ur ad afin

Mad skarn ɣar ad ṛẓmn iflwan

Nffuɣ

Ar nssaqra tamaziɣt

I willi tt iran…

Tin imuɣan10, 09/11/1982

10 Abnniqq, asqqen (prison);



Arugi11

Taṭṣa12 nu tga tin iṣiḍ

Bzziz as allaxUr akk ̫ ijli yan iɣ ixʷ la

Ittu wiyyaḍ

Ljnt ..

Aḥyuḍ 13 ,

Iṣiḍ ax tlla

Ekk aɣaras

Iggut akk ̫ mad ur iɣin14

A t ikk

Ad lkmn

Ibalisn ug ̫ in ad ax yawi Iffuɣn t id

Acku ssnn

I ɣ nn-nugg ̫ a

Rad jdrn

Nɣʷ i t

Ittu t ufgan

Imugas ur a sul allan

Iqqama-d yan urugi

Sul ukan immaɣ

Iga waẓ 15

Macc illa ginx

Isul, nssngi t

Gan as iblis

Ibalisn a t iḍin

Iffaɣ

Lliɣ inna uhuy

Ur iri a ig ismg n wiyyaḍ

Ibbaqqi

Ig asafu

Krzn ulawn ddrnin

Afin-inn tillas Imaɣn ur jjin usin

Arugi d Ṛbbi

11 Aɣ wwaɣ (rebelle);12 Illa daɣ ittini taḍṣa (rire);13 Anafal, amxlaw, taguri-ad ar ttunna ɣ Waṭ la ṣ anammas (fou);14 I ẓḍ aṛ n ura taguri-ad ar ttunna ɣ dar Ayt Waṭ la ṣ anammas d Ayt Usammer (capable);15 Nttan d ixf nns, iga waḥdut (seul) ;



Yan ad gan

X tiṭṭt nnax

Ibalisn ad isiggiln ad bḍun

Nmmaɣ

Afadd ad gin igldan

Ng arras iḍṛn «Ur illi ɣ uqqccab abla Ṛbbi

Nlsa t »

Irugiyn ad akk ̫ nga

Tifawin

Nllas

Ibalisn ad ax iran tillas

Issan at

A ttasim atig n Ṛbbi d urugi

Gitun

Ur akk ̫ irxi Macc iɣ ittyawskar

Nddrf

Tammara d tguḍi

Tumrt

Tudrt nnx ayann

Munnt akk ̫ ginx

Timmuɣra nnx

Addur 16 nnx

Mqqur Ṛbbi

Arugi

Ur rin a t nɣ in

Jdr at afrag

Ibalisn

Asafu gan as

Tour de Gassies 3/2, 2/3/ 1980

16 Agmmir (honneur, dignité…);



Adrar n tudrt

Gix adrar n tudrt

Tag ̫ i yyiTafuḍ

Tg ajjig i wiyyaḍ

Ur lin aẓuṛ

Mmɣin

Γ umalu nu

Aman inu aɣ a ssan

Nzug

Tamazirt aɣ nzugTinu aɣ jlix

Nzza-d

Asix urti ɣ mnid

Ur sar tn inn-lkmx

Urti nu

Anaruz inu

Maxx a t ur lkmx

Mqqar ur salax Ad inix

Ur ax issiḥil

Ag ̫ las iɣ yad ngaddan

Is a t nssukuf

Iɣʷ yal iɣ ll uẓn

Had awsay nsitti t id

Iɣ iggut wamud

Nssuk ̫ f war aẓuṛ nluḥ Wanna tn ilan mmɣin-d

Nasi tizlfin

Tin udrar aɣ illa usafar n tudrt

Ijddign n wiyyaḍ

Irxa nit a tn laḥ



Win udrar

Nkkin…

Igg ̫ z allaɣ n tudrt

Ur jji t yaɣ irifi

Waxxa nit iqqur

Argan illa ɣ irafan

Illa ɣ ignwan

Tazgzut d-iffuɣn ɣ iẓṛan

Ini darnx

Ur a naddr ijddign n umdduz

Rkan…

Ṛṛbaṭ, 22/03/1984



Tikṣṣaḍ

Ar allax f Ṛbbi , ug ̫ ix ad asn sllax

Lliɣ nnan a ur tazzalt

A tsfiḍt alluḥ

Ittyara a tgim amuddu n tmmara

Nkk ur rix

Nnix as maxx nkki?

Nnan: kyyin as nnix

Ra gik iskr warra nu

Ils da ttirix

Ṛbbi trit nkkin ug ̫ ix Maxx a yyi turmt ?

Ur ẓḍaṛx ad asix

Is tufit a ttamnt

Ur ẓḍaṛx ad ttarmx

Willi s ur ufix

Ad bbin ɣ ul inu

Ttux is a yyi ttirin

Wanna rix ar ttirix A sar ur ik ̫mḍ

Γmk -ad iskr Ṛbbi ɣ itran

Ar nttmnid

Γmk -ad iskr Ṛbbi gi

Asafu ccan ax.

Agadir, 14/08/1983



Adal17

Iɣ ak iɣra wallaɣ

N tguri lli ttiritTnnit as : ikka wadal fllam

Ur ufiɣ

Ad ddmx flx adal

Ar t ittawi wasif

Γmk -ad, ɣmk -ann

Adal isrs iẓuṛan

Amgguj18 ka sul iga

Γ wakal nns izug Inna ɣ yufa tudrt

Islɣ ar allan

“Yiwi akk ̫ wasif mddn

Skrn is a ttakk ̫ in”

Ar akkax tudrt

Ug ̫ rx ma iddrn iqqnḍ

Nkki rix talli yug ̫ rn

azmz n ussan Iɣ izri wass, idṛ -d yiḍ

Ur a ttmtat

Talalit ur a tt issaɣ yan

Tga ɣmk -ann

Tlla bdda

Inna ɣ iswa wakal igr-d

Akal iswa bdda

Iɣ d-mmɣin is llix Akal nnx iga tudrt

Nttan ad ufix

Akal nnx iga tudrt

17 Ar tt ttinin i yan wanaw n tuga ar ttili ɣ ill d uftas nns (algue) ;18 Anmattay, bi-imuttuyen (nomade);



Nttan ad ufan

Willi ur igin aḍṛẓ

Rɣnt tifawin

Ẓṛn mddn ajddig,

Iklulu wakal nnx

Agadir, 29/12/1984



Asif

Maṭlx ak, is yyi inn tuḍnt

Is yyi tettut Nkkin ur jji k nn-uḍnx

Ur jji k ̫ n ttux

Amarg illa yyi ɣ idammn

Ur jji tn ttux

Llix as ɣ ul

Nkki gix t

Ur a sar yyi ttun

Nga yan Asif iwin-d

Mad d-iwin imun

Iẓuṛan yak ̫ fn

D iẓṛan d wakal nnx

Asif ur a ittmnid

Iɣ zrin aḍṛn

Nkkin ad yuḍṛ wasif

Ug ̫ rx asif-ann Macc iɣal is yyi iwin

Yan iran iɣal

Nkki ssnx is ur ngin

Ur a sar aḍṛn

Aẓṛu d-immɣin x tuẓẓumt

Aman ṛwan as

Iẓuṛan ɣʷ in t

Tiddi nns ur a tt issiḥil Iɣ zrin waman

Iɣarn

Iqqama-d ibidd

Afgan ur yusi talluḥt

N wasif nnax



Ad issann is a ttazzaln

A yarud ul nnx

Aynna ur igin ul nnx

Muḥal ad ilin

Aynna tn ur igin

Is yuf ad ur ilin

Ṛṛbaṭ, 20/10/1983



Ḥmmu u Unamir

Tgit tayri d usldi

S a g ̫ nna tag ̫ it A tettut ma k id iɣʷ in

S ikalln turrit-d

Tjlut tayri

Addur izwar tt ur nssin

Tflt ax nbḍa

Wanna ginx iddrn, is immut

Ḥmmu maxx a ur tajjim

Lḥnna ɣ ufus?Tajjim itbirn n ljnt

Iɣ ṛmin ayyln…

Akuṛay ix t tmyarat

Ra tddrt uggar !

Win ṭṭalb ur a k nɣin

Ljnt aɣ mmɣin !

Win tayri d win usiggl

Ya isli yawi t … Nkkus ak, macc azrg nnax

Ur a sul iẓẓaḍ

Ur jji nn-nugg ̫ i

Tiṭṭt nns slɣaɣ idl tnt

Macc ur nɣli s ignwan

Akal aɣ nslɣ

Ur ax ik ̫ li yan ifassn

Akuṛay ncca tUr nkki ignwan nḍṛ -d

Nɣṛṣ i wakal

Γmklli skrn idammn nnk

A Ḥ mmu u Unamir …

Tk ̫ la ak tifinnaɣ



Ur tssnt a ttasit

Tabrat nns

Ṭṭalb yug ̫ i a tkkt aɣaras

N tfinnaɣ , ur igi winns

Ix t tɣʷ it immut

Isɣal ak mad ur igi

Jlun ak aɣaras

Sul ax ijla ɣik -ad

Timɣarin a t iɣʷ in

Ig ṭṭalb agllid

Llixk nttu, tmḍlt ax

Ur tssint

Ay lliɣ nn-yaggug uɣaras

Wis sa ignwan aɣ nn-tllit

Tirit ax

A nissan ma tssnt

Tabrat nnx a ttiwit

Tfk-id ixf i walu

Gr ak d ikalln, tmmzrt

“ Lif ” add fllax iḍṛn

Wiyyaḍ nqql sul …

“ Mim” ijla ɣ uɣaras

Γik -ad illa ɣid

“Ẓ ay” isli-d ayyur

Irwas t iɣ ilul

“Γ in” iɣli-d d tafukt

Yusi tt id ukan

Nnan ax wiyyaḍ rad ax d-lkmn

Iɣ nmun

Ra nɣr tabrat lli f ijla Ḥ mmu u Unamir …

Tin imuɣan, 7/6 /1983



Immi d baba

Ad dax nk ̫ ti ɣ illi ɣ nẓṛa

Ussan ufan Nafu gisn

Ass-lli gis nṛẓm tiwallin

Tibbit n immi tngi ɣ imi nu

Tiṭṭt nns

Isura n wul

Ini tayri tffi fllax

Afus nns iɣ yyi uddrn

A nkcm s ul nns Iɣ ṛẓmn , tumrt usin tt

Ul inu ffarrin

Baba yucka-d inna:

Yuda k ̫ n ɣ igiwal

Yallah a ng imddukk ̫ al

A nkk iɣunan

Nssu tumẓin

Nsli-d ig ̫ lifn, nurri-dTgit argaz

Idawa nnk awllu ad usin

K ̫ fisn ɣ igran amud n tlalit

I wussan

Ad sar ur tali tafukt

Ula laḥ ayyur

Itran aɣ ad d-ttag ̫ mnt

Tifawin n tiṭṭt Ur a sar tṛmit

Iɣ irɣa wul nnk idus

Ttmnid idrarn

Tugrtn, ix trit tuk ̫ it

Iɣ a ttikṣaḍt , tssrgmt



Ra k ikk uɣaras

Ig ak ixf askkṛḍ

Iḍṛ ul nnk, ig arras

War atig mqqar iddr

Ur issn tudrt

Tawwuri aɣ munt tid ak rix

Ḥsu tnt akk ̫

Urrix-d ar tazzalx dar immi

Rufix

Nɣli s uk ̫ faf

Ayyur idl ax s tifawin

Azmz irɣa

Mddn ɣ ik ̫ fafn d ignwan

Inix as mad yyi inna

Baba ɣ uɣaras

Tluḥ izṛi yaggugn

Tsawl tini yy id

Γmkann a iwi illa

Macc yat ittu tt ukan

Tlla tayri

Nttat as yattuy uɣaras

Win ufulki ɣ mddn

Ix tufa rad afun

Ad ukan taddu

S iɣ irfufn, s iga wacc

Sin iḍan mmaɣn ɣ brra

Laḥ ayyur

Win umɣar

D win ayt umksa as nnan

Tin yyiṭṣ ar taqqra

Ttun mddn wiyyaḍ…

Tin imuɣan, 7/11/1982, 26/02/1983



Ahyyaḍ

Yuf yan igan ah yyaḍ

Iṭfṛ titbirin In ɣ illa uḥwac nnsn gis

Yafuḍ zikk-ann

Awr iẓṛ taguḍi n isuyas

Lliɣ g ̫ mmrn

I ɣ yuyyel ma gis illan

Ils amarg i tiṭṭt

Idl ifssi n imurig

Iɣd lliɣ d-rqqanYuf yan igan ah yyaḍ

Iṭṭfṛ talganat

In s as inna wul mmdi gis

Iɣʷ i accbaṛ nns

Tizzwa ka gis ittilin

Ix tnt iẓṛa yan

Han yufa ma sa ttllin

A ur izrb yak ̫ i-d Ar d issn mani s ttawint

Imun disnt

**


Iddr ass-ann ɣ llan

A ur isiggil askka

Ur ta d-iɣli wass

Luḥn anzgum i walli t imyarn

Γ wakal

Tayri lli ka sa ttinin

Tayri kad salan

Drusn ussan

Wanna iddan ur sar ak d-urrin



**


Yanf-nn i iɣrman

Ifk aḍaṛ i uzaɣar

Ix t ikka iɣawl -nn Adrar n Drn

Aɣ -nn illa ujddig yufan

Ikk tiɣrmin

Ar aṭṭun tayri lli jlanin

Afgan isalan akal

Ur tnt ijli yuf

**

Yuf yan igan ah yyaḍ A ur ittal ̫ɣ ussan

Gan ɣmk ula ɣmk -ad

Winns iga bdda yan

Gan ɣmklli tn ran ntt

Iskr tn d ɣmk -ann

A ur itkka timuḍan

Ar kiɣ igg ̫ z akal

Tga taguḍi Tudrt ix tnt iẓṛa yan

**


A ur ittajj awal

A nn gis ismmɣi tiggas

Imɣurnt ɣ ul nns

Ur sar urmn i tudrt

Taṭfi lliɣ d-ilul A ur ikkat awal f wayyaḍ

Iɣ izri yuf

A tn ittu

Yadr-nn x tasa nns i uzmul nns

**




A ur imun d ifis

Afgan immut ur ikrz

Ur sul immɣi yat

Γay-d illan ur a ittwarga

Iga zund ifis

Miḍṛuṣ x tiṭṭt

Aḥbbuḍ ils aɣ as d-llan

Ur sar staran x tafukt

Ula ẓṛan ass

**


Mddn ur a ttjaran

Abla a k ssrkun, rkan

Irgazn ɣ wakal

Afgan bla addur

Ur iddir waxxa nn-ɣawln

Ur darsn atig, ssrgmn

Iga bdda arras

Ar srs s sfiḍn

Luḥn t inn ɣ illi ɣ d-nkrn

**


Ar yalla ar d ṛmin

Intl tn, yan ad ur issn

Issn nit ijdr wul

Iɣ d-nkrn ig ah yyaḍ

Ils amarg itrm

I ɣ yufa ma sa tllin

Yack-id ar darnx

Ix t ur ufin ar staran

Fln ax ɣmk -ad …

Tin imuɣan, 2/1983



Ar allax ay lliɣ iṛẓa wass-ann

Alix…

Mnaggarx amalu

Nawn a nkcm tillas

Tafukt ntta

Taslit nkkin

Nzug …

Ar ukan tnt nsiggil

Nttnti ɣmk -ann

Imal ur yaggug

Iɣ nfl amalu

Nurri-d …

Tin imuɣan, 14/1/1983



Ak ̫ fay n immi

I Ṛbba amt a immi

Hann yan awnt innan Iwi-m ittyamaẓ

Ad ur tallat, tinit as :

‘’ ssnx, ur gin amakr

Ak ̫ ttay ug ̫ rn

Ma ttsalam

Ur ittu ma i as nnix ɣ mẓẓi nns

Iswa ɣ uk ̫ fay inu

Ma ur itettu warrawTettum akk ̫ k ̫ nni mad ik ̫ ti

Tjlam ukan

Tamaziɣt a t issmɣurn

Γ igiwal n ma-s

Nttat a iẓuln tiṭṭt nns

Ass lliɣ ilul

Nttan a isawal s umarg

Lliɣ jdrn ul nns Isawl tt d ijddign

Fsan x tiṭṭt n ma-s

Asin igḍaḍ asallaw

Ur jji tn ttun

Ak ̫ fay inu a gis igan irig ̫

Ur ufin

A yyi ittu, ftux

Ur iɣʷ i ma gigi kkusan Isitti-nn gigi willi iran

Ad ur ilix

Willi iran ad ibbi

U ẓuṛ n tasut nnx

Nɣn awal ɣ imi nu



Mln wayyaḍ i warraw

Iwi ssnx, ur ittu

Ma i as nnix , iɣʷ i t akk ̫

Tugg ̫ a nnun maxx a tt nɣam

Γ imi nnun awal …!




Atri ɣ ul

Ma s tnnit a winu

Ittyara a ng amarg, nmun

Γ uswingm

Imma inyalkamn iɣ ax d-urrin

Ra ng amud n tifawin

Γ islan-ad ɣ llix

Immɣi-d ul n wakal-ad

Ar ittal ̫ɣ ayyur

Fkin timitar nnx i tafukt

Ad ax d urrintTut s iznẓaṛ ill nnx

Ad ax d-ilil

Tarm a sul ax ur tzzug

Agris inɣa ax

Ma s tnnit a winu

Ittyara a ng amarg , nmun

Is tufit a yyi tinit

Is sul a ttjarat Γ itran n waḍan n may

Manwa ad a igan ill

Iɣ d-ilul ini yyi t id

Zikk ha yyi ɣ darun

Ar dax nssa ɣ imi nnun

Tayri lli n darnx

Ng ɣ iɣunan ajddig

Ar d nzziwz ayyur Ar dax iṭṣṣa

Nɣ d-igguz imun ditnx

Ma s tnnit a winu

Ittyara a ng amarg, nmun

Ur sar ngarax d winu



Atri llan ɣ ul nnx

Tin imuɣan, 1/1983



Ilulluyn

Mmuddix ur nn-mdix mani

Alulluy Aɣ mḍ lx isgg ̫ asn

Dln nit s tguḍ iwin

Nttnti a igan imurig ɣ ul inu

Ddrn is

Nttnti ad rix ad aznx i wiyyaḍ

Ag ̫ in

Ad asin taguḍi

Gint imurig iddrn … **

Ilulluyn aɣ mmuddix

Ma aylli nn-ufix

A yyi igan d imzzi ɣikk

Icqqa a nmyar

Γ gr middn

Lliɣ iẓi umuddu d uɣaras

Ilulluyn aɣ nn-ufixTidt n wiyyaḍ

Tga zund aman

Ibiddn ɣ ig ̫ḍyan iqqenn

Tinu ssnx

Is ur a sar titti ɣ uɣaras

Ur ssinx

Ur ad issanx

Ra bdda ttllix … Iɣ urix mad swangmx

Γ uɣaras , nnix

Taguḍi nu ra tn tawi

S umuddu lli rix

Γmk -ann a igan iɣ idder kra



S tguḍiwin

Ufnt yyi

Nttnti ka ɣ gix mklli gix

Ufnt yyi

Nttnti ka ɣ gix kra yug ̫ in

Ufnt yyi

S nttnti ssnx is llix

Ilix …




Asuf 20

Ssntix, nskr ɣ unaruz

Assnti, nag ̫ l tUr lkimɣ

Ur ax igi unaruz aɣaras

Ng amarg, nsul

Ur nbḍi ur yad nmun

Ur ufix a t ssudnx

Iɣʷ i yyi ɣ ufus

Ur ufix a t ssyagasx

Ng t ɣ mnid nnx Nasi gisn idammn

Gin winnx, s nga yan

**

Ng amarg nsul, ur nbḍi

Ur yad nmun

Nkkusa kra, ittyagal

Ur jji t lkmx

Mradd is hlli nug ̫ l A naf aɣaras

Win tudrt

Imma ɣ ass-ad winns gan iṛiẓ

Ass nna bḍan iɣarasn

Namẓ walli rix

Iɣ stix

Ur id iɣ lulx mln yyit

Γ ass-ann ar a issudu unaruz Ngarax

Ssudux ayyis amaziɣ

Nɣawl -nn ayyur

A la la yla la la dayl a la la la la l

20 I ɣ bddda illa ufgan d ixf nnes ur ar ittemun d yan (solitude);



A la la yla la la dayl a la la la la l

Anzgum

Tumrt

Iggut flla mad usix

Iggut ustara

Yaggug udalal amur

Nkki ka isiggiln

Ma ur illin ad ilin

Ur illi mad ur illin

Is a ka ttinix

Uḍnx-nn imddukk ̫ al

Aɣaras iggut …

Ṛṛbaṭ, 16/12/1981



Ur a ttarax

Iɣ d-iffi ul inu

Iɣli-d ixf inu

Jlun ax

Yamẓ afaḍiṣ21 n tudrt

Staran tilli nn-ɣawlx

A ukan inix nkkin

Ingr, s iɣ d-urrix

Iɣ d-urrix ur a ttarax

Njlu tabrat nnx

Ng tillas n tifawin

N mddn lli jlanin

Yanf uɣaras , aɣaras

Izgr tidrarin

Ixsi wass, inna x starax

Iqqn-d fllax

Ur sul ax issin

Nqqama x tillas ɣmk -ann

Ṛṛbaṭ, 15/2/1984

21 Mmel nna ɣ ur illi yat (désert);



Tafala22

Amarg a sa siggilx

Wiyyaḍ aɣ llan

Γ ɣ id nɣ ɣ inn

Ssutlx nkkin i wakal

Ar akkax ɣ imurig inu

Atig ur llin

Imurig gan atig

N tfala ɣ uɣ aras

Ibnkaln ar kkatn

Tudrt ad akkan

Wanna ur issinn

Adrn i ul nns asin

Actci n tudrt,Tudrt actci yufan

Tusi kra yaggug

Ils-ann n tayyawin

Tadrn-nn i kra

Illa ɣ itran ur akk ̫ issin

Nkkin ar tn ttmnidax

Ul inu ɣ ufus

Mad issnn mad iṭṭ af

Ur tn ssnx ar allax

Γ umarg lli ɣ uḍ nx

Ar akkax atig

Willi ur ilin atig

Ad ax ittinin

Iggut akk ̫ ma ɣ a tllit

Yuf a ttngarat

D ilulluyn

Ur jji nn-i ẓṛ a ma ɣ a ttllix

Is iɣ al

Is ur iɣ i a iṭṭ f ṛ amanar

Walli ṭṭ f ṛ x

Ngaran didi willi rix I ɣ al urgaz is iga kra

Inna ɣ mk-ann

Yasi tartiwin izug

Γ imi n ifis nns

Ur a sar issan

22 Yan wanaw n ssleb a tega, ar sis ttemaγen medden (baïonnette);



Is ur gin asif n wass

Win mddn

I ɣ mnaggarn isuyas nḥuc

Ar nttal ̫ɣ ayyur

Ig udrar a ẓ uṛ nnax

Ṛṛ ba ṭ , 22/3/1984



Aṣṭṭa

I ɣ idda uḍ aṛ inu

S itran, ssudun ax

Issiggl 23 ax wakal

Ag ̫ ix a nṭ fer aḍ aṛ nnx

Nttan issn iɣ mmuddan

Is a ka ttidun

Annli ɣ dari

Adif nttan ur issin

Ad ikkat yan f wayyaḍ

Ikrf aɣ aras

N tudrt ajj amagur

Ad as issutul

A nn ukan yasi aḍ aṛ S iɣ ibidd ruln

Ssutln as ar ttinin

Aḍ aṛ nns izrb

S ifassn as a ttidun

Macc ur issn yan

I ɣ al is biddn

Yag ̫ i a iddr, s immut

Nlla x tillas iggutn

Ar asnt n ẓẓ aḍ

A ṣṭṭ a n tifawin

Tilmi, asṭ f ṛ n ul nnx

As ntllem ijddign

Γ u ṣṭṭ a amaziɣ

N ṛẓ m tifrawin, nqqel

Taydgi24 tugg ̫ a-d

Hann aḍ u n zikk as a kkrzn

Imu ẓ a ẓ ayyur …

Ṛṛ ba ṭ , 22/3, 22/4, 12/5/1984

23 Igllin n Ʃli Azayku yura taguri-ad s ɣ mk-ad :ي كل . Γ dari nkkin ‘’ isiggl ’’ ad tga.

24 Taylgi (matin);



Tayri nu

Tayri nu tk ̫ mḍ yyi

K ̫ mḍx nkki willi rix Ng irigg ̫

Yasi waḍu irafan nnx nɣuf

Nlla ɣ wakal

Ulawn wiẓẓ aɣnn ug ̫ ln

Ix trɣa tiṭṭt n tafukt

Ar rqqan imikk

Ix tnsa tiṭṭt n tafukt

Ttun is akk ̫ llan Ils asn utfl tifrkkit

Issxsi takat

Tayri nu tga tamaḍunt

Talli mmi ttinin

Tawla n uxlu ittwargan

A tjji ɣ ljnt

Talli skrx nmatr tt Rix a tnt aṭṭux

Tlul ɣ iẓṛi , tmmɣ i ɣ ul

Rix tt i wiyyaḍ

Ad issan is illa

Ma s ɣaln is immut

Γ ulawn, iqqurn mnckk ay-a

Waxxa ddrn.

Tayri nu tgayyi tumrt Ag ̫ ns nnx ummrn

Tlil yyi ɣ gar azmz

Nnrux s ul njmx

Tga turfa25 nu ɣ usuf

25 Tamawast, tamnɛaṛ t (alliée);



Takuba26 ɣ ufus

Agmmir 27 yufan nttat

Wiyyaḍ amawaf 28.

Ix fsan ijddign f wakal nnx

Nɣuf

Winu ttun is ur ngi

Amr 29 agg ̫ rn n tammnt

Iɣ nqqur ɣ ass-ad

Abuɣlu n imal iggut

Amwan30 nnx iɣzzif

Tafsut nnx ad urix …

Ṛṛbaṭ , 14/3/1988

26 Tega yan wanaw n ig ṣṭ aṛ (épée) ;27 Addur (honneur, dignité…) ;28 Tik ṣṣaḍ , tazlagt (peur, terreur…) ;29 Igllin n Ʃli Azayku yura taguri-ad s ɣ ik-ad : مر . Γ dar-i مر a rad teg. 30 Amnzuy (automne) ;



Izmuln

Timlillay ur a d-ggarnt igidr

Mqqar

I ɣ li d ignwan staran

Fln adrar nns

Inɣ l taguḍ i ɣ umṭṭ a

Ttun tnt izri tnt

Itran d wayyur d tafukt

Aɣ a ttjaran

Ma ur ittafa yan ɣ wakal

Yili ɣ ul nns

Izmuln iɣ ak zgrn ul

N ɣ in gis ul

Ma ɣ sul ufan amṭṭ a d ufray I ɣ d-immim

I ɣ d ngin isaffn n tkrrayt

Lli zrinin

D iɣ dax fsan ijddign k ̫ tin

Ur d imikk

Zgrn dax ist ɣ an n waṭṭ an

Tasa d ul nnk

Ur gix ajjig, ur t gix,

Arra kad gix nkk

Immɣ in ɣ wakal, fsun,

Krfn azmz d ussan

A ur izzigiz a iftu,

Ttun uṭṭ ibn aman

Ṛẓ n iwulla ɣ iḍṛ fan

Nam ẓ amud ɣ ufus

Ur sul nssin a nk ̫ fis,

Ur sul immɣ i yat

Ur d anzgum as nnix,

Urd is a ttjarax

A nfrd x tilli nttu,

Gint ax if ẓẓ ngrdUr gix ɣ willi ittinin

Grn ax d ussan

Naf-d mddn ssudan ax azmz

Sittin gis ul

I ɣ li-d unaruz d tafukt

Munax disnt

Tag ̫ mat n yan a ittasin yan



I ɣ d-ittut

Taws as ix t grn imuḍ an

Ar iɣ d-nkrn

Trar fllas iɣ at tt ɣ awaln mddn

Γ gar ass

Tam ẓ as afus x tillas I ɣ a ttjaran

Ma ur ittafa yan x tafukt

I ɣ ir ɣ a wass

Ya(n) isiggiln is a ittafa

Tilli jlanin

Ix sigglx, is a ka siggilx

Ad ak d-inix

Tag ̫ mat iɣ a tnqqa winns,

Gin asdrm nns

T ḥuc d igimatn31 f i ṣmḍ al nnx,

Ar ax brrin

Manza tt ! Is a ttini ma ur illin,

Gr srs…

**

Izmuln ka ɣ a nttidu

Nkkin ditun

Mnckk a nkkusa ittyagal,

Ur ax d-lkmn

Nfk aḍ aṛ i uɣ aras,

Γʷ in wiyyaḍ darnx

Ur t nffuɣ ar as nssutul, Γʷ in accbaṛ nnx

Winnx ad iga, nggumi t,

Nttan ɣ mk-ann

**

Azmul nkkusa t x tasa

N willi zrinin

Lliɣ d-nlul nsu tudrt

Γ idmarn jdrnin

Azmul n tudrt gzin ax

Ng asɣṛṣ nns

Gind isnḍ aṛ aytmatn

Gzin ur d imikk

Γay-d illan, illa, macc nkkin

Ug ̫ ix ɣ mk-ann

**

31 Willi ur issnn imarawen nnsn, iḥḥṛ amen (bâtards);



Izmuln aɣ a ittlala igidr

N darnx

I ɣ yuyyl iddfr ɣ tkrkas,

Ittut ɣ ul nns

Ḍṛ n-d ig afllus ɣ wakal

Ittu ignwanUr ɣ ikkan afus rkanin

A t ittjaran

Izmuln ad imrrin ur ɣ

Lliɣ d-rkan

**

Izmuln as ak nnix a ul inu

Jlan ax

Γ islan n waman n marur

N ḍṛ -nn, dln ax

Ng taɣ uyyit, ar nsiggil,

Yan ur d-ilil

Abla amadur,

Mqqur Ṛbbi,

Ran ad nissan

Is naggug aɣ aras amaziɣ

Lliɣ d-nlul

**

Izmuln ka sul ikkan idmarn

N darnx

Yuf a nṭṭ f ṛ timitar

N idmarn n darnx Ra sul jjin imugas izmrn32

I ɣ ɣ awln

Fln-d i warraw a ẓ awaḍ

N izmuln zrinin

Fln-d i warraw asafar

N izmuln ddranin

**

Izmuln gan inɣ misn,

Willi jlanin

Gan tirra,

Walli ittaran

Ur ax d-mlin

Ma igan asafar n tirra

N mddn lli zrinin

Is d a tk ̫ tit,

32 I ẓḍ aṛ n (sont capables);



A tettut,

Nx tnɣ it darun

Ur rix nkkin ad ttux,

Γ ass ufix darnx

**

Azmul iga tamatart N twwargit nnx

Ggutn,

Ugʷix a sul ttwargax

I yuɣ yul nnx

Yan mmi tmlit aɣ aras nns

Ikk arjal nns

“ I ẓ u ẓḍ ufullus a iffarri

Ar wis sa ignwan”

“Ur d ifr ad ur illin,

Is as imda ul ”

**

Izmuln gan isaffn n idrarn

N darnx

Zgrn ɣ uzaɣ ar,

An ẓṛ uf 33 nnx,

Iga bdda aman

Win tudrt,

Idammn n tkrrayt

Aɣ ax ɣ aman

Γzan , zlgn nnanax akal-ad

Aɣ a ttjaramWin tudrt,

Amud n tasa nu

Aɣ a ttjarax

**

Izmuln

I ɣ ak ssnkrn taḍḍ angiwin

Tin ul,

Imma tin ill nnx

Ur ad lilnt

Aftas ikka as mnid,

Amlal imgr tnt

Zund akal nnx ad iga ul,

Iga azmul akk ̫

U sar immut,

Issmmɣ i-d

33 Tiniri (désert, Sahara);



Id mar azmul akk ̫ …

Ṛṛ ba ṭ , 4/1990 -4/ 1991



Akttur :

Tawnza ...................................................................................................................... 4

Adrar n tudrt ..........................................................................................................12

Tikṣṣaḍ ....................................................................................................................14

Adal ..........................................................................................................................15

Asif ...........................................................................................................................17

Ḥmmu u Unamir ....................................................................................................19

Immi d baba ............................................................................................................21

Ahyyaḍ ....................................................................................................................23 Taslit ........................................................................................................................26

Akʷfay n immi ........................................................................................................28

Atri ɣ ul ...................................................................................................................30

Ilulluyn ....................................................................................................................32

Asuf ..........................................................................................................................34

Ur a ttarax ...............................................................................................................36

Tafala .......................................................................................................................37

Aṣṭṭa .........................................................................................................................39

Tayri nu ...................................................................................................................40

Izmuln......................................................................................................................42

Izmulen n igllin n Σli Azayku

Documents

Transcript of Izmulen n igllin n Σli Azayku