Post on 18-Jan-2021
CARITA PASKA:
YESUS KASI KALA
SETANG-SETANG PUNG BOS!
BALAJAR BACA DENG BIKING WARNA
DALAM PERMAINAN INI
Bahasa Melayu Ambon
SERI BUKU BACAAN PEMULA
Ό βαζιλευ ς ηων
Ιουδαίων
CARITA PASKA: YESUS KASI KALA
SETANG-SETANG PUNG BOS!
Gereja Protestan Maluku
2008
Buku Asli oleh:
Tim Pengembangan Bahasa-bahasa Maluku
Diterjemahkan oleh:
Tim Melayu Ambon
BALAJAR BACA DENG BIKING WARNA
Carita Paska: Yesus Kasi Kala Setang-Setang Pung Bos!
Hak Cipta © 2008 oleh Gereja Protestan Maluku
Carita Paska: Yesus Kasi Kala Setang-Setang Pung Bos!
Belajar Membaca dan Mewarnai Melalui Permainan:
Teks dalam bahasa Melayu Ambon
di Maluku
The Easter Story: Jesus Defeats the Lord of Evil Spirits!
Learn to Read and Color through Games:
Main text in the Ambonese Malay language
of Maluku, Indonesia
Gambar dipakai dengan izin.
Hak Cipta © 2008 oleh Olive Oyle Tag
Dilarang memperbanyak buku ini untuk tujuan komersial.
Untuk tujuan non-komersial, buku ini dapat
diperbanyak dengan izin dari Gereja Protestan Maluku.
Untuk Kalangan Sendiri
Buku ini dapat dibeli dari:
Lembaga Pembinaan Jemaat
Kantor Sinode Gereja Protestant Maluku
Jalan May Jend. D.I. Panjaitan
Ambon 97124, Maluku
Indonesia
Edisi Percobaan
2008
GEREJA PROTESTAN MALUKU ( THE PROTESTANT CHURCH IN THE MOLUCCAS )
ANGGOTA PGI
BADAN PEKERJA HARIAN SINODE
BOARD OF SYNOD ADDRESS: JALAN MAY. JEND. D. J. PANJAITAN - AMBON 97124
TELP. (0911) 352248-342442 FAX: (0911) 312440 E-mail: sinode@ambon-wasantara.net.id CABLE ADDRESS: BPGPM AMBON
KATA SAMBUTAN
Basudara samua yang Tuhan Yesus sayang!
Gereja Protestan Maluku seng parna barenti dalang usaha par biking
jamaat labe mangarti deng tau soal Allah pung Kabar Bae. Sala satu cara tu, katong biking carita-carita soal Allah pung Kabar Bae pake katong
pung bahasa hari-hari biar jamaat samua bisa labe dekat deng Tuhan Allah.
Bahasa Malayu Ambong ni, akang pung nilai sama deng bahasa-bahasa
daera laeng. Bahasa ni, akang hidop. Orang pake akang sabang hari, bae di ruma deng di luar ruma. Kalo samua orang dari kacil sampe basar
baca buku dalang bahasa Malayu Ambong, dong bisa tau deng mangarti
akang labe capat.
Beta, pamimping GPM, mau bilang par katong samua biar katong tarus pake buku-buku ini dalang samua ibada. Katong jua pake akang par kasi
balajar orang-orang yang ada di sakitar katong biar dong tau lai soal Tuhan Allah pung ajarang. Beta harap buku ni, akang bisa uba basudara
dong samua pung hidop deng bisa sampe ka samua orang di Maluku.
Waktu basudara dong mulai baca buku ni la dapa apapa yang seng pas, tolong bilang akang par katong biar buku ini bisa jadi labe bae.
Beta minta dangke banya par Tuhan Yesus. Beta minta biar Antua kasi
berkat par katong samua.
Dangke banya lai.
Ambon, 18 Januari 2008
Badan Pekerja Harian Sinode GPM
Pdt. DR. J. CHR. RUHULESSIN, M.Si. Ketua
YESUS KASI KALA SETANG-SETANG PUNG BOS!
Waktu Yesus su basar, Antua karja jadi tukang kayo macang deng Antua pung
bapa.
Satu kali bagini, Tuhan pung Roh panggel Antua par kasi balajar orang soal Allah
pung Kabar Bae. Mar waktu itu tu, Antua ni balong ada pung anana bua. Tarus,
Antua bajalang koliling kampong-kampong par cari anana bua.
Antua kasi balajar orang-orang la Antua angka dua blas orang par jadi Antua pung
anana bua. Dong dua blas orang tu, Simong Petrus, Andarias, Yakobis, Yohanis,
Palipus, Bartolomeus, Mateos, Tomas, Yakobis (Bapa Alfeus pung ana), Simong,
Yudas (Bapa Yakobis pung ana), deng Yudas Iskariot.
1
Yesus pung anana bua dua blas orang tu pi bajalang iko Antua sampe tiga taong.
Yesus kasi balajar dong la dong lia apa yang Antua biking. Tarus, dong biking iko
akang.
Waktu Antua kasi balajar orang-orang, dong paleng suka Antua pung ajarang. Mar
ada orang-orang yang seng suka Antua lai. Dong tu orang Yahudi pung tatua-tatua.
Yesus tu orang Yahudi lai. Mar dong seng suka Antua, tagal Antua pung ajarang tu
seng sama deng dong pung atorang adat. Barang, Antua kasi balajar orang-orang
par iko Tuhan deng hati yang batul.
YESUS BAJALANG KOLILING KAMPONG-KAMPONG PAR CARI
ANANA BUA
2
YESUS ANGKA 12 ANANA BUA
Yesus pung 12 anana bua pung nama-nama: Simong Petrus Yakobis Palipus Mateos Yudas Andarias Yohanis Bartolomeus Yakobis Tomas Simong Yudas Iskariot Kotak di bawa ni ada banya hurup. Di dalang akang ada basambunyi dong 12 anana bua tu pung nama-nama. Coba cari dong 12 orang tu pung nama-nama la lingkar akang. Kamong bisa biking iko ara macang bagini: Kalo ada nama pake dua kata macang YUDAS ISKARIOT di dalang kotak ni, akang baku sambung bagini: YUDASISKARIOT
3
P G K G C A O Z W F R S N S G V K Z R R
S U E M O L O T R A B X M I F N D R E K
C K H O L E T X I B X P C N O G O B F W
T Q O V Y Y B I Z N H V Z A Y W B M W W
P N V F E A U G P J S W D H X U W T I O
K S F G O M K D H L U L U O C Y S E D S
S I T O M A S O A I D Z Y Y U G T H B G
Z M A S Z J V X B S T Y J D L A Y H E P
E O G Z L X F S S I I G A D J S I Q U R
Z N H H F R S S H R S S G R P H Y D V T
I G E N U A V W D B O A K Q A U N Z U S
L P Z P C D C V B M S H X A L M M G A E
J E R E C U D Z P C O M A C R R G I Q R
T T W R H B T A W K U S W A K I R Q C N
K R H I P H L N A N T R H T B A O C B O
W U H C D I C R X Y E I L Z D M M T C U
Z S K E P I J O I I Z Y O N T P V D O U
P Z T U D W H Q J Y H I A Q J J M O W I
I W S N C C R C L E D R C H W P B E C R
S I B O K A Y F B R I C C M A T E O S V
4
Yesus tau kalo Antua ni Allah pung Ana. Antua kasi balajar orang-orang kalo Allah
su mau buka jalang par samua orang biar dong bisa dekat deng Allah. Dolo
manusia seng bisa dekat deng Allah tagal manusia ni su bardosa. Yesus tau Antua
nanti jadi korbang par bayar katong samua pung dosa-dosa. Yesus kasi balajar
orang-orang macang bagini sampe tiga taong.
Coba kasi warna gambar ini.
BANYA ORANG SUKA
YESUS PUNG
AJARANG
Tarus, satu kali bagini, waktu orang Yahudi dong pung hari basar Paska, Yesus
deng Antua pung anana bua pi bajalang ka kota Yerusalem. Waktu dong su mau
dekat kampong Betfage deng Betania, Antua suru Antua pung ana bua dua orang
kata, ”Kamong dua pi ka kampong yang ada di muka tu! Pas kamong maso
kampong tu, kamong nanti baku dapa deng ana keledai satu yang ada taika. Ana
keledai tu, orang balong parna nai akang. Kamong kasi lapas akang la bawa
kamari. Mar, kalo ada orang yang tanya kamong kata, ‘Mangapa kong kamong mau
kasi lapas akang?’, kamong bilang sa, ‘Tuhan mau pake akang.’”
Abis Yesus bilang bagitu la dong dua pi. Tarus, dong dua dapa samua macang
deng yang Antua su bilang tu.
Yesus suru Antua pung ana bua 2 orang pi ambe binatang satu. Itu binatang apa la? Kasi tanda di kotak sabala binatang pung nama.
Babi
Kambing
Rusa
Keledai
√
BINATANG
APA?
5
Domba
Sapi
Anjing
6
Dong dua bawa keledai tu par Yesus la Antua dudu di atas akang. Waktu Antua
maso deng keledai tu ka kota Yerusalem, orang-orang buka dong pung baju
panjang luar la taru akang di tana. Dong biking bagitu barang dong hormat Antua
macang deng raja. Tarus, Antua bajalang di atas akang. Dong tarima Antua deng
hati sanang paskali. Dong jua puji-puji Allah pake daong-daong la bilang kata,
”Dangke banya par Tuhan Allah jua! Tuhan kasi berkat par Raja yang Antua su
suru datang ni. Sakarang manusia su bisa baku bae deng Antua di sorga. Puji
Antua yang dudu parenta di tampa yang paleng tinggi.”
Di dalang gambar ni ada 8 barang yang seng ada waktu Yesus tinggal di tana Israel 2000 taong lalu. Cari 8 barang tu la lingkar akang. Abis itu, kasi warna gambar ini.
YESUS DUDU DI ATAS KELEDAI LA BAJALANG
MASO KA KOTA YERUSALEM
7
Waktu Yesus pung anana bua ada kasi siap tampa par makang Paska, Yesus pung
ana bua satu, Yudas Iskariot, pi di orang Yahudi pung tatua-tatua par baku
skongkol kalo dia mau jual Yesus. La tatua-tatua jua ada baku skongkol par mau
bunu Antua. Dari apa yang Yudas biking tu, dia dapa tiga pulu kepeng perak.*
Akang pung malam bagini, Yesus dong makang Paska. Yesus bilang par Antua
pung anana bua kata, ”Nanti ada orang yang mau jual Beta par orang yang seng
suka Beta. Sakarang ni, dia ada dudu sama-sama deng Beta di meja makang.
Barang Beta ni, Orang yang Datang dari Allah, Beta musti mati macang deng yang
Allah su bilang.”
YUDAS ISKARIOT DAPA KEPENG
DARI DONG YANG BINCI YESUS
KASI WARNA GAMBAR INI.
*Yudas Iskariot dapa 30 kepeng perak (syikal). 1 syikal = 4 dinar. 1 dinar = gaji 1 hari. 30 kepeng perak = 120 dinar. Yudas dapa kepeng sama deng orang pung gaji 120 hari karja.
Waktu dong ada makang, Yesus ambe roti la minta dangke banya-banya dari
Tuhan. Tarus, Antua pata-pata roti tu deng Antua pung tangang la bage akang par
Antua pung anana bua. Antua bilang kata, ”Roti ni, Beta pung badang yang Beta
kasi par dong samua. Jadi, dong jaga makang akang la inga tarus apa yang Beta su
mau biking par dong samua.”
Waktu dong su abis makang, Antua ambe anggor la bilang kata, ”Anggor yang ada
dalang cawang ni, Beta pung dara yang nanti tumpa par kasi salamat dong dari
dong pung dosa-dosa.”
Roti deng anggor tu jadi tanda dari Antua pung badang yang nanti ancor deng dara
yang nanti tumpa. Samua ni jadi tanda biar katong inga Antua tarus-tarus.
Yudas dapa 30 kepeng perak tagal dia jual Yesus par orang-orang yang binci Antua. Gambar di atas ni, Yudas ada rekeng dia pung kepeng. Mar di gambar ni baru ada satu kepeng sa. Coba gambar kepeng ni sampe akang pung jumla samua 30.
YUDAS ADA REKENG
DIA PUNG
30 KEPENG PERAK
8
9
Waktu Yesus dong ada makang Paska, Antua kasi roti deng anggor par Antua pung anana bua. Kamong tau ka seng, Antua biking itu par apa? Di bawa ini ada 6 kalimat, mar cuma 3 sa yang batul. Pili 3 kalimat do yang pas deng apa
yang Yesus bilang. Kasi tanda √ di dalang lingkarang. Abis itu, kasi warna gambar ini.
YESUS KASI ROTI DENG ANGGOR PAR ANTUA PUNG ANANA BUA
Dong musti bawa makanang ka Gunung Saitun biar jang dong lapar.
Yesus mau kasi Antua pung badang par dong samua.
Dong makang la inga tanda-tanda herang yang Yesus biking.
Dong minong la dong nanti jang manganto.
Dong jaga makang roti la inga tarus apa yang Yesus su mau biking par
dong samua.
Yesus pung dara nanti tumpa par kasi salamat dong dari dong pung dosa-dosa.
10
Abis makang Paska, Yesus deng Antua pung anana bua bajalang kaluar dari kota
Yerusalem. Dong pi ka tamang satu di Gunung Saitun. Tamang tu, akang pung
nama Getsemani. Pas sampe di tampa tu, Antua pi sadiki jau dari Antua pung
anana bua par sombayang.
Antua sombayang bagini, ”Bapa e! Kalo bisa Bapa kasi jau akang sangsara ni dari
Beta jua. Mar jang iko Beta pung mau, iko Bapa pung mau sa.”
Sambung garis dari titik nomor 1 sampe abis di nomor 95. Abis sambung nomor-nomor tu, tulis akang pung jawabang di atas. Tarus, kasi warna gambar ini.
YESUS BIKING APA DI TAMANG GETSEMANI?
YESUS ___________________.
Waktu Yesus sombayang, Antua pung hati ancor paskali sampe Antua pung
karingat tu malele macang deng dara. Abis sombayang, Antua bale kombali ka
Antua pung anana bua.
Seng lama lai, Yudas Iskariot, orang Yahudi pung imam-imam kapala, tantara-
tantara pung kapala-kapala pasukan, deng tatua-tatua agama Yahudi datang di
tampa tu par tangkap Yesus.
Tarus, dong bawa Antua malam-malam itu jua di
imam basar satu pung ruma. Di tampa tu, dong
mulai tudu-tudu Antua. Dong bawa orang-orang par
mau jadi saksi soal Antua pung sala. Mar dong
samua pung carita laeng. Seng ada dua orang yang pung carita sama. Jadi, dong
seng dapa apapa sadiki lai par tudu Antua. Imam basar suru Yesus bela Antua
pung diri, mar Antua diam sa.
La imam basar tu tanya par Antua, ”Ale ni, Allah pung Ana kapa?”
Yesus bilang, ”Kamong sandiri yang bilang to!”
Dengar Yesus bilang bagitu, dong mau hukum mati
Yesus. Dong mulai tatawa Antua tarus.
Dong luda deng pukul Antua lai.
11
Akang pung eso pagi, dong bawa Antua di Gubernur Pontius Pilatus pung tampa,
barang antua yang pung hak par hukum mati Yesus. Pilatus pariksa Yesus, mar
seng dapa Antua pung sala. Waktu Pilatus tau kalo Yesus ni orang Galilea, antua
suru orang bawa Yesus par Herodes.
Herodes pariksa Yesus la suru orang bale bawa Yesus
di Pilatus lai. Pilatus pariksa Yesus kombali, mar antua
seng dapa Yesus pung sala sadiki lai.
Waktu orang Yahudi pung hari basar Paska, pemerinta
Roma jaga kasi lapas orang satu yang dapa tahang di
bui. Jadi, Pilatus tanya par orang-orang, ”Kamong mau
beta kasi lapas Yesus yang orang panggel Antua tu
Orang yang Allah su Angka par Kasi Salamat Manusia
ka Barabas?”
Barabas ni tukang bunu orang. Mar orang-orang
bataria, ”Kasi lapas Barabas.”
Pilatus bale tanya, ”Kamong mau beta
biking apa par Yesus?”
Dong bataria, ”Kasi salib Dia! Kasi salib
Dia!”
Jadi, Pilatus kasi lapas Barabas la kasi
salib Yesus.
12
Abis itu, Pilatus suru dia pung tantara-tantara cambok Yesus ulang-ulang kali. Dong
cambok Yesus pake tali yang ada besi di ujung. Tarus, dong biking makota satu
dari rumpu baduri la kasi pake akang di Antua pung kapala. Dong jua kasi pake
Antua baju panjang luar satu warna ungu macang deng raja pung. Dong luda,
tatawa, deng baterek-baterek Antua lai iko dong pung suka.
Abis itu, tantara-tantara bajalang bawa Yesus pi ka gunung satu par mau kasi salib
Antua. Gunung tu pung nama Golgota yang pung arti tangkorak.
Dia tolong tatua-tatua
agama tangkap Yesus la
dong bayar dia.
Antua seng sala mar dong hukum mati Antua.
Dong tangkap Yesus la
siksa Antua.
Dia deng tatua agama mara paskali deng
Yesus la cari jalang par hukum mati Antua.
13
Di bawa ini ada 4 orang deng 4 kalimat. Coba sambung pake garis dari tiap orang iko dia pung kalakuang sandiri yang ada di sabala.
Waktu tantara-tantara siksa Yesus, dong pake barang-barang apa la? Ada 8 barang di bawa ni, mar cuma 3 sa yang dong pake. Kasi tanda (√) di barang-barang yang dong pake di kotak sabala.
PILATUS PUNG TENTARA SIKSA DENG BIKING MALU YESUS
14
Waktu dong bajalang, dong suru Antua pikol Antua pung kayo salib sandiri. Mar
tagal Antua su dapa siksa talalu banya, Antua su seng kuat lai par pikol kayo salib
tu. Jadi, tantara suru satu orang par pikol akang. Dia tu Simong, orang Kirene.
YESUS SU SENG KUAT LAI
15
Tantara dong suru satu orang par pikol Yesus pung kayo salib. Orang tu pung nama Simong. Di tampa yang tahapus tu, coba biking gambar Simong ada pikol salib.
16
Yesus dong sampe di Golgota hari Jumat amper jam sambilang pagi. Tantara-
tantara buka Yesus pung pakiang. Tarus, dong paku Antua di kayo salib. Dong
bage-bage Antua pung pakiang lai. Di atas Antua pung kapala dong taru papang
sapanggal yang dong su tulis bagini, ”Orang Yahudi pung Raja.”
Dong salib Antua sama-sama deng dua orang jahat. Satu di Antua pung sabala
kanang, la satu lai di Antua pung sabala kiri.
Di bawa ni ada 5 kalimat, mar cuma 1 yang batul. Pili yang batul la tulis akang di papang sapanggal yang ada di atas Yesus pung kapala.
ORANG ROMA PUNG RAJA RAJA PUNG ANA
ORANG YAHUDI PUNG RAJA
ORANG YUNANI PUNG RAJA ALLAH PUNG ANA
PILATUS PUNG TENTARA
TULIS APA DI PAPANG SAPANGGAL?
17
Ada banya orang datang baterek deng tatawa Yesus. Dong banya bilang, ”Kalo Ale
batul-batul Orang yang Allah su Angka par Kasi Salamat Manusia, coba pake Ale
pung kuasa par turung dari kayo salib tu biar Ale seng mati!”
Kurang labe jam dua blas siang, skrek lai, negri itu, akang galap samua sampe jam
tiga sore. Tarus, Yesus bilang deng suara basar kata, ”Bapa e! Beta kasi Beta pung
napas par Bapa jua.” Abis Antua bilang bagitu, Antua putus napas.
Pas kapala tantara lia Yesus mati, antua puji-puji Allah la bilang kata, ”Antua ni,
batul-batul Allah pung Ana.”
Waktu Yesus su mati, ada orang Yahudi pung pamimping sidang satu yang datang
ka Pilatus par minta Yesus pung mayat. Antua ni parcaya Yesus. Antua pung nama
Yusup. Antua dari kota Arimatea.
Yusup kasi turung Yesus pung mayat dari kayo salib la bungkus deng kaeng puti
alus.
YUSUP PI KA PILATUS LA
MINTA YESUS PUNG MAYAT
PAR BAKUBUR
Abis itu, antua pi bakubur Yesus di kubur satu yang orang su pahat akang dalang
liang batu. Abis bakubur Yesus, antua tutu pintu kubur tu deng batu basar satu dari
luar la pulang tagal su malam.
Waktu Yusup dong pi bakubur Yesus, ada parampuang-parampuang yang iko lai.
Dong tu lia tampa yang Yusup pake par bakubur Yesus. Hari itu, hari Jumat. Akang
pung eso, hari barenti karja. Jadi, dong seng bole karja apapa macang urus mayat
bagitu.
YESUS PUNG MAYAT DALANG LIANG BATU
18
Waktu amper siang di hari
Dominggu tu, Maria dari kampong
Magdala, Yohana, deng Maria
(Yakobis pung mama) pi ka Yesus
pung kuburang. Dong bawa
rampa-rampa obat deng minya
daklonya par taru di Yesus pung
mayat. Waktu bajalang, dong
laeng deng laeng baku tanya
kata, ”Kalo katong sampe di
kuburang, katong mau buka
akang bagemana? Sapa yang mau
sorong batu basar yang ada pele
pintu kubur tu?”
Waktu dong sampe, dong skrek lia batu basar tu su tasorong. Tarus, dong tiga
lari paparipi maso ka dalang kubur tu, mar dong seng baku dapa Yesus pung
mayat lai.
TAMPA RAMPA-RAMPA OBAT DENG MINYA DAKLONYA
TIGA PARAMPUANG
19
20
Waktu dong tiga ada badiri taherang-herang, skrek lai, malekat satu bilang par
dong kata, ”Mangapa kong kamong cari orang hidop dalang orang mati pung
kuburang ni? Antua su seng ada di sini lai. Antua su hidop kombali.”
Tarus, dong tiga parampuang tu pi kasi tau par Yesus pung anana bua kalo Yesus
tu su hidop kombali.
MALEKAT BAWA PASANG DARI SORGA
Waktu tiga parampuang tu maso ka dalang Yesus pung kuburang, dong skrek lia malekat satu dudu di tampa tu. Malekat tu bilang apa par dong? Tulis malekat pung pasang tu di dalang lingkaran basar ni. Abis itu, kasi warna gambar ini.
Waktu Yesus su hidop kombali, Antua bakumpul deng Antua pung anana bua di kampong Betania. Waktu Antua su mau tarangka ka sorga, Antua suru dong biking apa? Tulis Yesus pung pasang di dalang lingkaran ini. Abis itu, kasi warna gambar ini.
Waktu Yesus su hidop kombali, Antua kasi unju muka babarapa kali par Antua pung
anana bua deng orang-orang laeng. La dong parcaya kalo Antua tu su hidop
kombali.
Tarus, Antua bajalang sama-sama deng Antua pung anana bua ka luar kota
Yerusalem. Waktu dong ada di kampong Betania, Antua bilang par dong kalo dong
musti pi kasi tau Antua pung Kabar Bae di samua tampa yang ada di dunya. Abis
itu, Antua angka Antua pung tangang la kasi berkat par dong. Pas Antua kasi
berkat, Antua tarangka ka sorga la tapisa dari dong.
21
YESUS KASI PASANG PAR ANTUA PUNG ANANA BUA
LA ANTUA TARANGKA KA SORGA
Dong samua tundu muka ka tana taru hormat par Antua. Abis itu, dong samua
pulang ka Yerusalem deng hati paleng sanang.
Ini carita pung pokok:
Katong su balajar soal Yesus. Antua tu, Tuhan yang katong somba. Antua mati di
kayo salib la hidop kombali. Deng cara itu, Antua su kasi kala setang-setang,
setang-setang pung bos, deng tete nene moyang. Antua jua biking ancor dong
pung kuasa samua yang ada di katong. Itu tu su jadi tanda par katong kalo Yesus
yang pegang kuasa par samua yang ada di dunya.
Katong inga kalo Yesus su kasi balajar katong soal Antua pung ajarang. Jadi,
katong musti parcaya Antua la iko deng biking akang dalang katong pung hidop.
Antua jua mau kalo katong musti kasi balajar akang par orang laeng lai. Akang
pung bae lai, Antua su kasi Tuhan pung Roh par orang-orang yang parcaya Antua.
Antua jua nanti bale kombali par ambe orang-orang yang parcaya Antua par tinggal
sama-sama deng Antua di sorga.
YESUS KASI KALA SAPA?
__ __ __ __ __ __- __ __ __ __ __ __,
__ __ __ __ __ __- __ __ __ __ __ __ __ __ __ __
__ __ __, __ __ __ __ __ __ __ __ __ __ __ __
__ __ __ __ __ __
YESUS KASI KALA DONG BAGEMANA?
__ __ __ __ __ __ __ __ __ __ __ __ __ __ __
__ __ __ __ __ __ __ __ __ __ __ __
__ __ __ __ __ __ __
SAPA YANG ADA DENG ORANG PARCAYA SAKARANG?
__ __ __ __ __ __ __ __ __ __ __ __
22
ABIS YESUS TARANGKA
KA SORGA, APA YANG
JADI DENG ANTUA PUNG
UTUSANG-UTUSANG?
KALO MAU BALAJAR
SEJARA ITU, BACA KISAH
PARA RASUL DI
PERJANJIAN BARU.
23
24
Babarapa nats-nats Alkitab dari carita ini:
Halaman 1: Matius 10:2-4; 13:55; Markus 1:14, 3:16-19, 6:3 Halaman 2: Matius 4:23-25; Markus 3:16-19; Lukas 6:17-19 Halaman 4: Yohanes 3:16 -17, 10:30; Roma 3:10, 23-25 Halaman 5: Lukas 19:28-34 Halaman 6: Matius 21:9; Markus 11:9; Lukas 19:35-38; Yohanes 12:13 Halaman 7: Matius 26:15, 20-25; Lukas 22:1-6, 21-22 Halaman 8-9: Matius 26:26-29; Markus 14:22-25; Lukas 22:19-20 Halaman 10: Matius 26:36-39; Markus 14:32, 36; Lukas 22:39-42 Halaman 11: Matius 26:47, 57-61; Markus 14:55-65; Lukas 22:44-47, 70; Yohanes 18:2-3 Halaman 12-13: Matius 27:1-2, 15-26; Markus 15:1, 6-15; Lukas 23:1, 7-12, 18-25; Yohanes 18:12-40, 19:1-17 Halaman 15: Matius 27:32; Markus 15:21; Lukas 23:26 Halaman 16: Matius 27:35, 37; Markus 15:24-26; Lukas 23:32-33; Yohanes 19:18-19, 23-24 Halaman 17: Matius 27:40-44, 54, 57-59; Markus 15:31-32, 42-46; Lukas 23:35, 44-47, 50-53 Halaman 18: Matius 27:57-61; Markus 15:46-47; Lukas 23:53-56 Halaman 19: Lukas 24:1-10 Halaman 20: Lukas 24:5-9 Halaman 21: Matius 28:16-20; Lukas 24:13-49, 50-52; Yohanes 20:1-9, 11-31, 21:1-23; KPR 1:7-9; I Korintus 15:6 Halaman 22: Lukas 24:52-53; KPR 2:38; Roma 10:8-10; Efesus 1:13-23; 2:1-10; Kolose 2:15; Ibrani 2:14-18